Die stil tye
Die skielike alleen oomblikke
Dit is wanneer dit my vang
Die verlede en al my keuses
Ek is in my siel in bang
Nie bang vir vannaand
Vir more
Of die dag daarna
Bang vir my keuses
En wat dit van my vra
As gister se besluite en keuses
Dan so absoluut fataal was
Hoe kan ek myself vertrou
Dat vandag s’n
Ek nie ook gaan berou
Die mense wat ek inlaat
Dié wat ek wegstoot
Die keuses wat ek maak
Is dit die regtes
Gaan dit my positief raak
Die moeilikste is om te vertrou
In ander
Op myself
Ek sal maar net moet bid en glo
Dieper as gewoonlik delf
My hartsbesluit vannaand
Is om opreg te vertrou
In my Skepper se beskermende hand
Nie meer te twyfel
Hy was nog altyd aan my kant
© Helga Gouws
Absoluut!!! Fantasties gestel!!
Dankie Hx
Sjoe dit is mooi en so waar. Presies wat ek nodig gehad het om vandag te hoor
Baie dankie Hx
Ek is opreg bly Hx
“Al wag daar dalk moeilike tye van swaarkry en onsekerheid, stap ons die nuwe jaar in … vorentoe met hoop, bewus van die Here se genade en liefde. Die oog gerig op Jesus wat alles weer nuut en vars sal maak. Gevul met vrede en verwagting op ’n goeie toekoms. Met vertroue op die Here wat almagtig, goed en groot is. Met die leiding van die Woord wat betroubaar en waar is” – http://www.heuning.co.za
Baie dankie. Dit is pragtig Hx